ឯកឧត្តម អ៊ុំ សារឹទ្ធ អញ្ជើញចូលរួមកិច្ចប្រជុំគណៈកម្មាធិការអចិន្ត្រៃយ៍នៃគណៈកម្មការក្រមសីលធម៌នៃសភាហ្វ្រង់កូហ្វូន តាមប្រព័ន្ធនិម្មិត
នាយប់ថ្ងៃអង្គារ ទី១៧ ខែធ្នូ ឆ្នាំ២០២៤ វេលាម៉ោង២០:៣០នាទី ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាអនុប្រធានបណ្តាញក្រមសីលធម៌ហ្រ្វង់កូហ្វូន និងក្រមសីលធម៌សមាជិកសភា បានអញ្ជើញចូលរួមកិច្ចប្រជុំគណៈកម្មាធិការអចិន្ត្រៃយ៍នៃបណ្តាញក្រមសីលធម៌ហ្រ្វង់កូហ្វូន និងក្រមសីលធម៌សមាជិកសភា តាមប្រព័ន្ធនិម្មិត ក្រោមអធិបតីភាពឯកឧត្តម Jean ÉRIC ប្រធានបណ្តាញក្រមសីលធម៌ហ្រ្វង់កូហ្វូន និងក្រមសីលធម៌សមាជិកសភា ដែលផ្សាយចេញពីខេត្តកេបិច ប្រទេសកាណាដា។
កិច្ចប្រជុំដំណើរការដោយមានការពិភាក្សាលើ៖
-ការកំណត់កាលបរិច្ឆេទ និងទីកន្លែងសម្រាប់ត្រៀមរៀបចំ មហាសន្និបាតប្រចាំឆ្នាំនៃបណ្តាញនៅឆ្នាំ២០២៥
-ផែនការសកម្មភាពសម្រាប់ឆ្នាំ២០២៥
-ថវិកាប្រចាំឆ្នាំ២០២៤ និងឆ្នាំ២០២៥
-កិច្ចសហប្រតិបត្តិការជាមួយសភាប្រើភាសាបារាំង ក្នុងការត្រៀមរៀបចំសភា Côte d’Ivoire ចូលជាសមាជិកនៃបណ្តាញក្រមសីលធម៌ហ្រ្វង់កូហ្វូន និងក្រមសីលធម៌សមាជិកសភា…។
ប្រភព៖ នាយកដ្ឋានព័ត៌មាន
